رقم المشاركة : [ 1 ]  
قديم 24-01-16, 08:36 PM
الصورة الرمزية nmk نهر الوفاء
nmk نهر الوفاء  
Female
nmk نهر الوفاء غير متواجد حالياً
 
مستمتعة
المشاهدات : [ 3124 ]   الردود : [ 0 ] ماشية اكتشفت ان انا ...ماما




اكتشفت ان انا ...ماما
لما ملقيتش عندي ولا شوز بكعب... و كلهم بقوا كوتشي..

لما ملقيتش علي تسريحتي اي ادوات تجميل غير كريمات و لوشن #جونسون

اكتشفت ان انا #ماما... لما مكالتش #الشوكولاتة الوحيدة اللي في شنطتي 🙈

لما بقت #الكوسة و الجزر و البطاطس من اهم مشترياتي.. و نسيت #التونة و السوسيس و البرجر
😂

اكتشفت ان انا ماما... لما بقت اطول فترة بنامها ٤ ساعات..و مش علي بعض.. و ملهمش ميعاد ثابت كمان
😪

لما بطلت البس ابيض او اسود..
😵

اكتشفت انا ماما... لما مبقتش اجيب لبس #عيد.. ولا باخد عيدية :(

لما لقيت صاحبات بنتي بيقولولي يا طنط 🙈

اكتشفت ان انا ماما لما بقت كل خروجاتي في #النادي و الملاهي... و نسيت السينما و الكافيهات ..

لما بقت رجلي علي طول متعورة من كتر ما بدوس علي اللعب الصغيرة اللي منتشرة في كل #البيت..

لما بقيت ملحقش الاكل و هو سخن.. ولا حتي كباية الشاي.. "مش هتكلم علي اليوم اللي بناكل فيه سمك.. 🙊"

اكنشفت ان انا ماما لما بقيت بقفل مكلمتي مع اصحابي فجأة بدون مقدمات عشان الحق المصيبة اللي بتحصل
😲

اكتشفت ان انا ماما لما انقطعت صلتي بالمسلسلات...و القراية... و اي حاجة كانت بتتعمل بمزاج
😥

لما بقت #قمة_الرفاهية بالنسبالي اني أازاز لب وانا بتفرج علي #فيلم في التليفزيون بعد ما يناموا...و احبس بكباية شاي سخنة ..
😉

اكتشفت ان انا ماما لما بقت اقصي طموحي اني انام علي السرير لوحدي..
😄

لما تبقي #ذكري اني احط السماعات في وداني و اقفل باب اوضتي عليا ذكري بتخلي عينيا تدمع...

او اني اكتشف ان #عمرو_دياب نزل اربع شرايط معرفش عنهم حاجة..

اكتشفت ان انا ماما ..لما مبقتش اعرف اربي ضوافري واقول ولادي اولي

اكتشفت ان انا ماما لما بقيت طول اليوم بدور علي حاجات بتضيع ..واكتر سؤال بتسأله هي فين ال..
😤
😤

اكتشفت ان انا ماما.. لما جوزي يبقي بيكلمني واروح في #النوم

اكتشفت ان انا ماما لما بقت الصلاة كلها الله اكبر ..

وبقيت بسمع ريمكس غريب بين #الفاتحة و الاخلاص.. بقعد استغفر بعديها اد كدة.. 🙈

اكتشفت ان انا ماما لما بقيت بطلة العالم
💪
في الجري والوثب العالي ...

لما نسيت شكل ازازة #الكوكاكولا.. و بقي المشروب الرسمي في البيت #مكس_شوكولاتة

اكتشفت ان انا ماما لما بقيت بعمل بوشي و بقي حركات و اصوات غريبة طول مانا بأكلهم
😱

لما بقيت مابحسش بالآمان الا و الدرج مليان #بامبرز

اكتشفت ان انا ماما لما سبت شغلي و قدمت استقالتي عشان مشوفش دموع بنوتي كل يوم وانا بوصلها #الحضانة..

الامومة مش سهلة ,, بس مستاهلة :)





من مواضيع  »  nmk نهر الوفاء
توقيع » nmk نهر الوفاء
أخبار » nmk نهر الوفاء
كلما ضاقت بي الدنيا..بحثت عن طفل يبكي..فرسمت بسمة على شفتيه..فعاد قلبي ينبض..لذا لم أمت بعد! اللهم إنك وحدك تعلم ما بي..فلا تكلني إلى نفسي..وأرح قلبي وأنزل سكينة على روحي..يا رب
 

« الموضوع السابق | الموضوع التالي »
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

تصميم و وتركيب انكسار ديزاين

الساعة الآن 08:30 AM


Powered by vBulletin® Copyright ©2000 - 2022, Jelsoft Enterprises Ltd. TranZ By Almuhajir
جميع الحقوق محفوظة لـ منتديات نهر الوفاء 2010 - 2011